నూతన ప్రిన్సిపల్ సెక్రటరీ శైలజా రామయ్యర్తో భేటీ
హైదరాబాద్: అటవీ, పర్యావరణ శాఖల నూతన ప్రిన్సిపల్ సెక్రటరీగా ఇటీవల బాధ్యతలు స్వీకరించిన శైలజా రామయ్యర్, ఆ శాఖల మంత్రి కొండా సురేఖను జూబ్లీహిల్స్లోని ఆమె నివాసంలో మర్యాదపూర్వకంగా కలిశారు. ఈ సందర్భంగా మంత్రి సురేఖ గారు ఆమెకు పుష్పగుచ్ఛం అందించి శుభాకాంక్షలు తెలిపారు.
ముఖ్యమంత్రి ఆశయాల మేరకు ముందుకు.. రాష్ట్ర ముఖ్యమంత్రి రేవంత్ రెడ్డి గారి ఆశయాలకు అనుగుణంగా అటవీ, పర్యావరణ శాఖలను మరింత ప్రభావవంతంగా తీర్చిదిద్దాలని మంత్రి ఈ సందర్భంగా శైలజా రామయ్యర్కు దిశానిర్దేశం చేశారు. పర్యావరణ పరిరక్షణ, వన మహోత్సవం, వన్యప్రాణులు మరియు జీవవైవిధ్య పరిరక్షణ వంటి కార్యక్రమాలను క్షేత్రస్థాయిలో సమర్థవంతంగా అమలు చేయాలని ఆమె సూచించారు.
ఆధునిక సాంకేతికతకు ప్రాధాన్యత అడవుల సంరక్షణలో ఆధునిక సాంకేతిక పరిజ్ఞానాన్ని గరిష్టంగా వినియోగించుకోవాలని మంత్రి సురేఖ స్పష్టం చేశారు. ముఖ్యంగా అడవుల్లో అగ్నిప్రమాదాల నివారణకు పకడ్బందీ చర్యలు తీసుకోవాలని, శాఖా పరమైన లక్ష్యాలను సాధించేలా ప్రణాళికాబద్ధంగా ముందుకు వెళ్లాలని ఆమె కోరారు. ఈ భేటీలో అటవీ, పర్యావరణ శాఖల బలోపేతానికి తీసుకోవాల్సిన చర్యల గురించి ఇరువురి మధ్య సంక్షిప్తంగా చర్చ జరిగింది. శైలజా రామయ్యర్ నేతృత్వంలో ఈ శాఖలు మరింతగా రాణించాలని మంత్రి ఆకాంక్షించారు.
About the Author
